02-05-2009> Epidemia (Artigo de opinión)
 As epidemias son unha das máis estrañas formas da solidariedade. Son o prezo que pagamos por vivir xuntos. Son o custe da amizade, da simple curiosidade, do amor. Por iso a corentena é tan difícil de poñer en práctica: porque vai contra a raíz do que o ser humano desexa, que no fondo non é outra cousa que estar acompañado.[+]

05-06-2008> Quizais (Artigo de opinión)
NUNCA me gustaron os soñadores utópicos. Desconfío da xente que cre que os males do mundo teñen fácil solución. Desconfío da xente que está completamente convencida de algo. Noutras palabras: desconfío dos que non desconfían. .[+]

Este libro ten un protagonista sigular: a febre. A febre como personaxe, como metáfora da imaxinación, do soño, da literatura en definitiva. Partindo dun episodio real da vida do autor (un ataque febril no Cairo), Miguel Anxo Murado vai presentado una galería de historias sorprendentes, ás veces oníricas, ás veces simbólicas e sempre presididas pola pantasma da febre. Na liña de Memoria de derribos, o autor volve explorar así o seu persoal universo imaxinario nun libro no que é a atmosfera a que "cose como un fío" as diferentes narracións coa historia principal.
mercar

A infancia, a mocidade, a madureza, a vellez... Tanto a través de situacións límite como dos detalles da vida cotiá en apariencia máis insignificantes, Miguel Anxo Murado describe en Mércores de cinza os ritos de paso que compoñen a experiencia humana.
mercar

Publícase unha nova edición de Ruído. Relatos de guerra

Xornalistas, mercenarios, cooperantes, civís e soldados son as personaxes destas historias que transcorren nas guerras da antiga Iugoslavia, que o seu autor viviu como correspondente. Miguel Anxo Murado (Lugo, 1965) ofrécenos aquí unha mestura de lembranzas e ficción á vez realista e poética sobre o medo, a violencia e a vertixe da supervivencia.
mercar